WENDE NYASAYE 282 - 258

1. Anane wang` Yesu Kristo, Kobir` eboche polo; Nabedi mamor moloyo Ka Yesu owir` e piny.           Anane wang` Yesu Kristo, Yesu Ruoth ma Jawarwa;           Ka ageno Yesu pile, To chieng` moro nowara. 2. An to pok aneno Yesu, To ayiee gi chunya; Chieng`kofwenyore e polo, Ananene kak` obet. 3. Pinyni orachna moloyo, nikech tho gi tuo nitie; Anamor kaneno Yesu, Ok nane chandruok kendo. 4. Yesu Kristo en Jang`wono, Nosetho ni ji duto; Mondo ng`a moseyie kuome Kik olal ma nyaka chieng`. (Amina)

1. Wanachokre e aora? Ka ma nitie pi ngima, Pi mamit mawuok e Lwanda, E kar kom duong mar Nyasaye.           Wanachokre e aora! Jo maler duto ginirom kanyo,           Wanachokre but aoch ngima, Mamol but kom duong` Nyasaye. 2. Ka wawuotho but aora, E pinyruoth mar Nyasachwa, Wanabed kwalemo pile, Wanadend nyinge pile. 3. To ka pok wachopo kanyo, Wanawe ting`wa duto; Much Nyasaye nomi chunywa kuwe, Wanayud osimb locho. 4. E dho aoch pi mar ngima, Jawarwa oritowa; Nyaka chieng` ok wanapogre, Wanapak nyinge gi wer. 5. Aora odong` machiegni, Eka wuodhewa norum; Eka wanabed mamor chuth, Wanayud kuwe nyaka chieng`. (Amina)

1. Ka tichna oserumo kendo ayudo warruok, Kaseruakora gi kido ma ok tow, Anang`e Jawarna kaseidho loka kocha, En e ng`a ma nadwar neno mokwongo.           Anang`eye, anang`eye,           Ka nanera gi Ruoth wang` gi wang`;           Anang`eye, anang`eye,           Kaneno luetene ka mogur. 2. Anayud mor e chunya ka aneno kwonde bet, Ma Ruodhwa oiko ni joge maler; Anapak Ruoth Jawarna kuom ng`wonone gi hera, Moyie mondo ayud kar bet e polo. 3. Kendo jogo ma notho ka gigeno Yesu Ruoth, Ananegi kendo kuro e polo; To kasechopo malo kanyo, dala mar Nyasaye, Mokwongo adwaro neno Jawarna. 4. Anadonji e dhorangach mar dala Nyasachwa, Kuyo kata pi wang` onge kanyo ngang`. Anawer wend locho kaachiel gi jo mowar duto, To agombo chutho neno wang` Jawar. (Amina)

1. Waluwo yorno mar msalaba, kwadhiyo e polo; Ok nwaluor maricho mogundho, ka Wuonwa ritowa.           Dala wa man malo e polo,           (Dalawa dalawa dala man malo e polo);           Waluwo yorno mar msalaba nyaka piny mar hera. 2. Waluwo yorno mar msalaba; Yesu osetelo; Wanawuothi e ndach jatendwa, nyaka dhowath mar kuwe. 3. Waluwo yorno mar msalaba, kata yo rach nade; Luet Jawarwa notelnwa maber nyaka wachop ire. (Amina)

1. Ndalo duto ma an e piny, Agombo dhi polo, Kanyo ma Yesu losona; Adwaro dak kode.           Ok wasiki e pinyni ma wantie; (ma wantie),           piny manyien e mwageno yudo; (yudo kucha);           Wanawer wend Musa gi wer mar Nyarombo,           Kwadak gi Yesu nyaka chieng`. 2. Pod wabedo jowuoth e piny, Tichwa to pok ogik; Mar lando wach mar Injili Kuom Yesu ma Jawar. 3. Ndalo matin mi wanadhi Kar hawi mochwere; Wabiro neno wang` Wuonwa Kod wang` Yesu Ruodhwa. 4. Chunya opong` gi mor chutho Kaparo kanyono; Pinyni ok tero chunya ngang`, Agombo dhi kuno. (Amin)

1. Ji noyud mor ka tich orumo, ka jo keyo biro gi cham Ma gikelo ni Ruoth maduong`, E Jerusalem Manyien. Mor, mor, mor nobedi maduong`, Mor, mor, ma ok enorum; Mor, mor, Ndalono chiegini Ma tich biro rumoe.  2. Wanawer wende mamit chieng`no, wanayud  mor ngang` e chunywa, Kwadendo Ruodhwa nyaka chieng` E Jerusalem Manyien. 3. Jo keyo noyudi mor maduong`, kod kwonde bet ma nyaka chieng`, Yesu Ruoth oseloso E Jerusalem Manyien. (Amin)

1. Nitie piny moro maber chutho; Koroni pod wanene gi chien; Nyasachwa oritowa kanyo, Olosonwa kar dak e polo. Wanamor nyaka chieng`, Wanamor kwatundo e polo; Wanamor nyaka chieng`, Wanamor kwatundo e polo. 2. Wanawer e polo nyaka chieng`, Wer mamit mar jogo molocho; Kendo chunywa ok none kuyo, Kata chandruok moro nyaka chieng`. 3. Ruoth Nyasachwa ong`won gilala Wagoyone erokamano, Nikech wuode ma nochiwonwa, To gi gwethne mosemiyowa. (Amina)

1. Adwaro bedo but pi ngima, Yesu e pi ngima, Oritowa mondo oruakwa kanyono ma Entie.           Adwaro bedo but pi ngima, pi mochwer e yadh Kalwari;           Yesu En soko mar pigno, Anabed bute pile. 2. Kwaol ka wawuotho e wang`yo, owinjore wayue, Ka ma nitie pigno mar ngima, Manyalo miwa mor. 3. Ka riyo loyi, bi ir Yesu, eka riyo norum; Yesu Owuon e pi ngima, modhe mondo ikwo. (Amina)

1. E pinyno maber manyien, Nitie dala maler; Nosiki ma nyaka chieng`, Kendo mudho onge.           Nyasaye noyuwe pi wang`wa, Onge tho kata kuyo;           Ok gikwan kata ndalo (ndalo), Nikech mudho onge. 2. Dhorangeye mag lulu, E dalano maler; Yorene mag dhahabu, Kendo mudho onge. 3. Dhorangeyene ok lor, E dalano maler; Aoch ngima mol kanyo, Kendo mudho onge. 4. Kanyo ok gidwar wang` chieng`, E dalano maler; To Nyarombo En lerne, Kendo mudho onge. (Amina)

1. Ka tichna rumo, masiche kogik, Bende kachopo e polo malo; Bedo but Yesu Jahera maduong` Nobedi morna mamit mosiko.           Paki `Kristo, Kristo kende, En Jawarwa, En Wuod Nyasaye;           Hera modhiero wawuoro chutho, Wapake koro, wapake tinde. 2. Chieng` chopo polo gi joge duto, Nikech mirembe mawenwa richo; Kulri nyim Yesu, gi kom mar Nyasaye, Nobedi morna mamit mochwere. 3. Wanane Jokristo moseko tho, Wuone gi mine gowetewa be; Kata kamano da Kristo paka, Chunya nobedi mamor moloyo. (Amnina)

1. Wa winjo mar dala Nyasaye, E piny maber kendo manyien; Wawuoro kaka enobed, To wagombo bedo kanyo! Nitie wang`yo mar dhahabu, Kod udi madongo kucha; Kar bet ma Yesu oloso Ni jogo duto magene. 2. Kanyo richo onge chutho, Masira gi temruok bende; Gi ma dimi chunywa kuyo Onge kuro dala Nyasaye. Ji nobed gi chuny mar hera, Giniyud osimb dhahabu, Bende lewni marachere, Ma Yesu norwakgo joge. 3. Ruoth Yesu, los chunywa maler, Ni mondo wadonj e polo; Wadwaro neno dalano, Koa e polo kuom Nyasaye, Moikore ka miaha, Kolosore chuth ni Ruodhe; Wanamodhi pi mar ngima, Ma Ruoth ose loso kanyo. 4. Mago ma wang` pok oneno, yit bende to pok owinjo, Ma chuny dhano pok oparo, Nyasaye oloso ni joge. Watimuru kinda koro, nyaka chieng` ma Yesu nobi; Wadonji e pinyno maber, Wadag kod Yesu nyaka chieng`. (Amina)

1. Pinyni ok thurwa mwageno; Waonge dala mosiko; To wachni ohoyo chunywa, Wakiyo dala mabiro, Wakiyo dala mabiro. 2. Pinyni ok thurwa mwageno; Wakiyo dala ma ok nen; Zayun e nyinge dala Ruoth; Orieny gi ler ma nyaka chieng`, Orieny gi ler ma nyaka chieng`. 3. Dala maber mar mor gi kuwe; Kar hawi chandruok onge chuth; Da an gi buomb winyo koro, Daringi mond` ayue kanyo, Daringi mond` ayue kanyo. 4. Chunya, kuwe mos! Ruoth ong`eyo, Ndalo ma iniyud yueyo; E piny ka mond` atim chikne, Ka pod arito ndalono, Ka pod arito ndalono. (Amina)

1. Un jowuoth, to udhi kanye? Un maneno nyima ka. Wan wadhiyo dala Ruodhwa, Wan wawuotho ku mabor. Wan wadhiyo ku mabor, to Wan wadhi ka piny moloyo; Wan wadhiyo piny mar Ruodhwa, Piny moloyo pinje te. 2. Nyiswa gi mudwaro yudo, Kusetundo piny maber. Wanayudi gik moloyo, Yesu madhi miyowa. Wanane Jakonywa kucha, Gi Nyasaye to wanabedi; Nyaka chieng` to wanasiki, Kwasetundo piny maber. 3. Un jowuoth to un uyie Mondo wan wadhi kodu? Ee, biuru, kik udeki, Ber udhi kachiel kodwa. Biuru, to kik uwewa, Yesu e moruako duto; Enoyie mondo udonji, Mond` usiki piny maber. (Amina)

1. Anarwak Osimb dhahabu e polo, Nawe ting`na duto piny kadhi polo; Karwako lep locho anawer sigana, Mar Ruoth manong`iewa kadhi polo.           Kadhi polo, kadhi polo, Kuyona duto norum kadhi polo,           Kadhi polo, kadhi polo, Kuyona duto norum kadhi polo. 2. Mudho duto enorum kadhi polo, Eka nane ler achien kadhi polo; Ka ler mar polo rieny komenyo wang` yora, Kawuotho elerno kadhi polo. 3. Anane wang` Jawarna kadhi polo, Nawer ng`wono mar Jawar kadhi polo; Kachungo e nyime, anapake gi mor, Nabed kode pile kadhi polo. (Amina)

1. Asewinjo kuom piny man mabor loka nam, En kar dak maber mar jo mo war; Yesu e moloso udi mag dalano, En piny ma ok wanabed moti.           Wanasiki, wanasiki,           Epinyno ma tho ok nobedie;           Wanasiki, wanasiki,           Epinyno ma tho ok nobedie. 2. E dalano maber ma ok wanalalie, Wanabedi gi mor gi lala; Wanapak Ruoth Yesu e piny Ruoth mochwere, Piny ma ok wanathoe kendo. 3. Ka tichwa orumo kwaseyudo `simbo, Masiche ok nobedie kendo; Yuak gi tem norum chuth, wanawer gi jogo, Mosekwongonwa dhiyo kuno. (Amina)

1. Aparo koro kuom pinyno maber, Piny maber, maber ngang`; En kar yuweyo maber bang` chandruok duto. Piny maber kendo mar kuwe, En piny ma nosingi chon ni jogo maler. Giniyue kuom chandruok duto, Kama cham kod olembe nomi chunywa mor.           E pinyno maber ngang`,           En piny maber, en piny maber;           En piny maber, maber chutho,           En piny maber, en piny maber,           En piny maber, en piny maber ngang`. 2. Anawer wende mag hera kanyo, Piny maber, maber ngang`; Anapak Jawarna gi wende mamit Piny maber kendo mar kuwe, Wanawinj thumbe mayuak mamit e polo; Duonde duoko mamit kendo Ka jomalaika maler nower gi mor, E pinyno maber ngang`. 3. Koro aneno kar dak mepolo, Piny maber, maber ngang`; Piny maber kendo mar kuwe, Osiepe ma jowuodha koro chiegni wuok, Asewinjo duondgi koro; Nikech yie nigi teko mar fwenyo weche; M...

1. E loka nam mopogo kind Piny chandruokni kod gik mak ne, Nitie pinyno ma ok norum Ka ma pi,wang` noywe duto.           E loka nam e nam mogingore,           Awinjo duond Jawarna ka luonga;           Ndalo chiegni mawanawe chandruok,           Mawanadag gi Ruoth manyaka chieng` 2. E loka nam e dho wadh kuwe Kama richo duto norum ; Kama chandruok ok nobedie Tiende mool noyud yweyo. 3. Onge paro gik mokadho Chunya mool noyud teko; Pi wang`wa ok nochwer kendo Wenge mool none Jawar. 4. E loka nam kar kuwe gi mor Yesu luongo nyithinde te; E loka nam parruok norum Malaika wero wend ruak. (Amina)

1. Ageno wanarom e polo, ka chandruok me piny rumo; Ka agano sigana mar wuodha e dho nam mogwedh maler.           E dho wath marieny, dho nam dhahabu,           E dala Wuonwa e pinyno mar mor.           Ageno wanarom, ageno wanarom,           Kwasidho osimb locho e polo. 2. Ageno wanarom e polo, E tiend yadh ngima maber; Ageno wanapak jawarwa; kuom ng`wuono mar warowa. 3. Ageno wanarom e polo, kwaluoro kom duong` Nyasaye; Ageno bedo gi jomowar, kwapako hera Jawar. 4. Ageno wanarom e polo, katichna me piny rumo; Ageno wanamosre gi mor, E wath marieny mochwere. (Amina)

1. Weruru hera mar Yesu kod nguonone modhiero; E piny Ruodhe no mogwedhi Enolos nwae kar dak.           Ka wadhi..................... yo e polo,           Enobedi chieng` mar mor manade;           Ka wanane Yesu Wanawer wende mag locho. 2. Ka wawuotho kawachiko polo Bor polo noum lwasi; To ka ndalo mad wuoth norum, Tipo kod kuyo norum. 3. Wabeduru jomadieri Kwatiyo kendo gene; To bang` kinde matin kende Ngimani mar dhier norum. 4. To michno moseikonwa Wanamor kwaneno Ruoth; Ka dhoranga polo yawnwa Wanalu yor dhahabu. (Amina)

1. Ase chop` e piny mar mwandu, Ma pithne nwang`ore nono; Kawuono chieng` orieny maler, Manyiso ler manyaka chieng`.           O piny maber, piny maber ngang`,           Kang`iyo gi e wi godi,           Ka wang`a kadho e wi nam`           Aneno dhowath maber ngang`,           Ka ma ilosonae kar dakna mochwere e polo. 2. Jawar biro wuotho koda, Bende sawo wachamo ngang`, Otelona mos kod luete, Ni kech ma e polo maler. 3. Mo mang`we ng`ar owirago, ma tikne a e yadh ngima, Ma thiepege ok nyal nur ngang`, Ma `och ngima molie pile. 4. Yamb imbo ma biro ira, Dwond wer mamit okelona, Kaka malaika maler wero wer mamit mar warruok. (Amina)

1. Nitie ber kwonde duto, Ka kuwe nie dala; Nitie mor kuom dwonde te, Ka nitie hera. Kuwe kod mor ogundhonwa, Kwonde duto mor nitie; Saa bende kadho gi mor, Ka nitie hera. Ka hera ni e ot, Saa duto kadho gi mor, Ka nitie hera. 2. Ji duto bedo mamor, Ka kuwe nie dala; Sin gi nyiego onge chuth, Ka nitie hera. Chuny joot te yudo kuwe, Piny obet maber kodgi; Mor nitie e ngimagi, Ka nitie hera. 3. Polo yudo mor maduong` Ka kuwe nie dala; Piny duto opong` gi mor, Ka nitie hera; Wer mamit ma ji wero, Ler marieny moa malo, Nyasachwa mor e polo, Ka wan kod hera. 4. Kabedo ng`ati chutho, Nanyis herani; Ka angima kuomi, Ruoth, Eka mor nitie; Anayue kuom kethruok te, Mak apar masich richo; Kuom ng`wononi nigwedha, Ka nitie hera. (Amina)

1 Nyasaye nomiyo Adam Jakony e puoth Eden; To pod oyie ni dhano Mond` okonyre kama. 2 Nikech wachni maduong` to dichwo nowe jonyuol; Ni mond` odag gi chiege; Ginibedi kachiel. 3 Yesu nohero joge Nyaka nochiwore; Chwo mondo giher mondgi gi hera ma kama. 4 Kanisa to owinjo Weche duto mag Ruoth; Ka mon winjo chwogi, Winjruok nitie maber. 5 Muya maler, wasayi Bedi machiegini; Konyruok moro to onge mak In mibet kodwa. 6 Owetewa ariyo mochungo nyimi ka, Riw chunygi chutho koro gi hera mosiko. 7 Kumako yo me nyimu mad Nyasaye ogwedhu; Morne gi kuwe madieri obed kodu pile. (Amina)

1 Wamor kwaromo kod osiepe; E piny ma mwalo ni; To chunywa kuyo ka waparo; Wabiro pogore.           Ok wanapogre e polo,           Ok wanapogre ngang`;           E piny maberno wanamor,           Ok wanapogre ngang`. 2 E pinyni tho opogowa kod; Osiepe mwahero; Wamor kwageno wananegi, E piny maber manyien. 3 Kucha ok wanawachi chutho; Wach moro mar pogruok; To mor gi kuwe nobed e chunywa, Pile ma nyaka chieng. (Amina)

1. Nindo kuom Yesu! En hawi! Ka ng`ato tho kogeno Ruoth; Okuwe mos kanyo e i liel, Wasigu ok nonyale ngang`. 2 Nindo kuom Yesu! Ma ber ngang`; Onge kuyo kata pi wang`; Onindo mos nyaka chieng`no, Ma dwond Ruoth Yesu nochiere. 3 Nindo kuom Yesu! Johawi! Jogo ma nochier ndalono; Ginine duong` mar Ruoth polo, Kobiro omo jo maler. 4 Nindo kuom Yesu! Ginichier! Ka tung` machien obiro kok; Giniyiech liete ndalono, Ginuyud ngima mosiko. (Amina)

1 Yesu, rembi ma nosechwer Maluoko richona, Nochwer mondo ayud warruok, Koa e ng`eti, Ruoth.           Rembi, Ruodhwa, luoko richo;           Aluokrae abet maler;           Adendo Ruoth nikech rembe,           Ma nochwerna e Kalwari. 2 Abedo chwech manyien koro, Kuom remono maler; Dhano machon otho koro, Angima kuom Yesu. 3 Awuotho gi ngima manyien, Mar loyo piny gi keth; Chunya ler bende wuodha ler, Ka Kristo dak koda. 4 Ng`wono miwuoro mar Jawar, Kopwodha gi rembe; Yesu ma nothona e yath, En Ruodh chunya koro. (Amina)